NON-PROFIT VENTURA HULA SCHOOL
Ka Pule A Ka Haku (Pule)
Our Father Who Art In Heaven (Prayer) - Matthew 6: 9-13
E ko makou Makua
i loko o ka lani
e hoano ia kou inoa
E hiki mai kou aupuni
e malama ʻia kou makemake ma ka honua nei
e like me ia i malama ʻia ma ka lani la
E haʻawi mai ia makou i keia la
i ʻaina makou no keia la
E kala mai hoʻi ia makou i ka makou
lawehala ʻana
me makou e kala nei i ka poʻe i lawehala
i ka makou
Mai hoʻokuʻu ʻoe ia makou i ka
hoʻowalewale ʻia mai
E hoʻopakele no naʻe ia makou i ka ʻino
No ka mea
Nou ke aupuni
a me ka mana
a me ka hoʻonani ʻia a mau loa aku
ʻAmene ʻAmene
Our Father
who art in Heaven
Hallowed be Thy name
Thy kingdom come
Thy will be done on Earth
as it is in Heaven
Give us this day
our daily bread
And forgive us our debts
as we have forgiven our debtors
And lead us not into temptation
but, deliver us from evil
For thine is the kingdom
and the power
and the glory
forever
Amen
Source: Nā Hīmeni O Ka ʻEkalesia
Kumulipo - Hawaiian Creation - Verses 1-14
(Mele Koʻihonua - Genealogical Chant)
O ke au i kahuli wela ka honua
O ke au i kahuli lole ka lani
O ke au i kukaʻiaka ka lā
E hoʻomālamalama i ka malama
O ke au o Makaliʻi i ka pō
O ka walewale hoʻokumu honua
O ke kumu o ka lipo i lipo ai
O ke kumu o ka pō i pō ai
O ka lipolipo o ka lipolipo
O ka lipo o ka lā o ka lipo o ka pō
Pō wale hoʻi hānau ka pō
Hānau Kumulipo i ka pō he kāne
Hānau Pōʻele i ka pō he wahine
At the time when the earth became hot
At the time when the heavens turned about
At the time when the sun was darkened
To cause the moon to shine
The time of the rise of the Pleiades
The slime, this was the source of the earth
The source of the darkness that made darkness
The source of the night that made night
The intense darkness, the deep darkness
Darkness of the sun, darkness of the night
Nothing but night, the night gave birth
Born was Kumulipo in the night, a male
Born was Poʻele in the night, a female
Source: The Kumulipo A Hawaiian Creation Chant
Martha Warren Beckwith
Martha Warren Beckwith
Hoʻonani I Ka Makua Mau
(Haipule - Doxology)
Hoʻonani i ka Makua mau
Ke Keiki me ka ʻUhane nō
Ke Akua mau hoʻomaikaʻi pū
Ko kēia ao ko kēlā ao
ʻAmene
Praise God from whom all blessings flow,
Praise Him all creatures here below,
Praise Him above ye heavenly host,
Praise Father, Son, and Holy Ghost.
Amen
Source: Nā Hīmeni O Ka ʻEkalesia
Mele Kuahu
(Altar Prayer)
E Laka e
Pupu weuweu e Laka e
E Laka i ka leo
E Laka i ka loaʻa
E Laka i ka waiwai
E Laka i na mea apau
E Laka e
Pupu weuweu e Laka e
O Goddess Laka
O Wildwood bouquet, O Laka!
O Laka, queen of the voice!
O Laka, giver of gifts!
O Laka, giver of bounty!
O Laka, giver of all things!
O Goddess Laka
O Wildwood bouquet, O Laka!
Source: Unwritten Literature of Hawaii
The Sacred Songs of the Hula
Nathaniel B. Emerson
The Sacred Songs of the Hula
Nathaniel B. Emerson
Kaleleonālani Oli
(Mele Hōʻihi - Chant of Praise)
He inoa nou e Kaleleonālani
Moʻopuna ʻoe a Kalaiʻōpuʻu
Aloha nui ʻia ke Kuini ʻEma
I ka nahenahe mai o kō leo
I ka maikaʻi o nā ʻōlelo
Piha hauʻoli nā makaʻāinana
ʻO ko lākou hoa aʻe like ai
Helu ʻekahi o ke aupuni lani
He lani nui ʻoe a he hiwahiwa
Hiʻipoi ʻia nei e ka lāhui
He inoa nou e Kaleleonālani
This is your name chant, o Kaleleonālani
Descendant of Kalaiʻōpuʻu
Dearly loved are you, Queen Emma
For the softness of your voice
For the kindness of your words
Thy people are filled with joy
They like to compare you to
The greatest in the kingdom of heaven
You are a great chiefess, dearly beloved
Much praised by your people.
This is your name chant, o Kaleleonalani
Source: He Lei no ʻEmalani
M. Puakea Nogelmeier
M. Puakea Nogelmeier
Aia ʻEmalani Lā
(Mele Mākaʻikaʻi - Travel Chant)
ʻAe, Aia ʻEmalani lā
Aia ʻEmalani lā i ka hele ʻana
I ka mākaʻikaʻi ma kai lā o Puna
ʻO ka hala paukū hoʻi me ka ʻōhiʻa
Ke laʻi lā nō ʻEmalani i laila
I ka lae hala o Koʻolau
Ua lau ua mano ke aloha
ʻO ka hiki nō me ke aloha
I lohe i ʻike i lono ʻoukou a pau
He inoa nō ʻEmalani
There is Emmalani in her travels
Touring at the sea of Puna
The hala, intermixed with the ʻōhiʻa
Emmalani is content at that place
In the hala-covered capes of Koʻolau
Plentiful, boundless is the affection
The arrival, with such love
So that all of you hear, see, and know
In the name of (Queen) Emmalani
Source: He Lei no ʻEmalani
M. Puakea Nogelmeier
M. Puakea Nogelmeier
Kāua I Ka Nani Aʻo Hilo
Composed By: Princess Kekaulike Kinoiki II & Keahinuiokīlauea; Early 1880's
ʻAe, Kāua i ka nani aʻo Hilo
Kāua i ka nani aʻo Hilo
I ka ua lolokū i Hanakahi
ʻAkahi hoʻi koʻu manene
I ka meʻeu hoʻi o koʻu oho
He ʻūlāleo paha na ka ʻiʻiwi
ʻIkuā mai lā i Hāʻili
Ilihia i ka leo o ka manu
E wā mai lā i ʻŌlaʻa
Ua laʻa ʻia pua i ʻaneʻi
Eia ma kou kīʻaha
Ua hoʻolawa ʻia e Liʻa
Me nā lehua i Panaʻewa
Haʻina ʻia mai ka puana
Ka hiku o na lani he inoa
He inoa nō ka lani Kāwika Kalākaua
You and I amidst Hilo's charm
In the pouring rain of Hanakahi
It is the first time I've been thrilled
The hair on my head rises
Perhaps it is the chant of the ʻiʻiwi bird
In distant Hāili
I am astonished by the voice of the birds
That clamor in ʻŌlaʻa
The flower is reserved here
It is in my vessel
Gathered together by Liʻa
Are the lehua of Panaʻewa
Tell the refrain
In the name of the seventh ruler
In the name of David Kalākaua The Royal One
E Hoʻi Ke Aloha I Niʻihau
Traditional
ʻAe, E hoʻi ke aloha i Niʻihau
E hoʻi ke aloha i Niʻihau ea
I ka wai huna o ka paoʻo ea
O ka ʻulu hua i ka hāpapa ea
E ke ko ʻeli aʻo Hālāliʻi ea
Aia o Nihoa mahope ea
I ka moku hāpapa i ke kai
O ka lā welawela i ke kula ea
Ke huli ke alo i Kauaʻi ea
Haʻina ia mai ka puana ea
No Kapiʻolani no lā he inoa
He inoa nō Kapiʻolani
My love returns to Niʻihau
To the hidden waters of the paoʻo fish
To the breadfruit that blossoms on the flats
The sugar cane of Hālāliʻi dug out by hand
Nihoa lies beyond (Niʻihau)
With its many reefs in the sea
The sun beats down on the plains
Where it turns to face Kauaʻi
Tell the refrain of our praise
A namesong for Kapiʻolani
In the name of Kapiʻolani
Aia I Kauaʻi Kō Lei Aliʻi
Composed by: Mrs. Nahaukapu, Iwilei, Dec. 17, 1894
Published in Ka Nupepa Ka ʻOiaʻiʻo, Dec. 21, 1894
ʻAe, Aia i Kauaʻi kō lei Aliʻi
Aia i Kauaʻi kō lei Aliʻi
Ka luna kiʻekiʻe o Hāʻupu
A he pua a he wohi nāu e Kawelo
Ke aliʻi mahamaha ʻia i ka wai
ʻO ka wai kaulana o Kemamo
A he wai e inu nou e Kalani
Eia ka pua e Manō Kalani
Ke kumu aliʻi ou kūpuna mai
Haʻina e ka wohi nona ka lei
O Liliʻu i ka walu o nā lani
He inoa nō Liliʻuokalani
There at Kauaʻi is your royal lei
The paramount ruler of Hāʻupu
A flower, an adornment for you, Kawelo
The chief comforted by the water
The famous water of Kemamo
Waters for you to drink
Here is the flower of Manō, the Heavenly one
The foundation of your ancestors
Told is the sacred one for whom is the lei
Liliʻu, the eighth of the chiefs
In the name of Liliʻuokalani
ʻAnapau
Traditional
ʻAe, He aha e ka hana ʻAnapau
He aha e ka hana ʻAnapau lā
Holo lio e ka hana ʻAnapau lā ea ea
He aha e ka hana ʻAnapau lā
Hoʻolewa e ka hana ʻAnapau lā ea ea
I luna aʻe ʻoe ʻAnapau lā
I luna loa ʻoe ʻAnapau lā ea ea
I lalo iho ʻoe ʻAnapau lā
I lalo loa iho ʻAnapau lā ea ea
He aha e ka lole ʻAnapau lā
He silika e ka lole ʻAnapau lā ea ea
Haʻina e ka hana ʻAnapau lā
Ua pau e ka lewa ʻAnapau lā ea ea
Haʻina kō maʻi ʻAnapau lā
Ua pau e ka lewa ʻAnapau lā ea ea
He maʻi no ʻAnapau
What does ʻAnapau do?
ʻAnapau rides a horse.
What does ʻAnapau do?
ʻAnapau goes here and there.
Up goes ʻAnapau.
Way up high goes ʻAnapau.
Down goes ʻAnapau.
Way down goes ʻAnapau.
What does ʻAnapau wear?
Silk clothing ʻAnapau wears.
Tell the refrain of what ʻAnapau does.
All is finished for ʻAnapau.
Tell the refrain of the maʻi of ʻAnapau.
All is finished for ʻAnapau.
The maʻi chant for ʻAnapau
(Procreation Chant for Queen Liliʻuokalani)